Rusia melalui kedutaan besarnya di Korut menyatakan kondisi di Pyongyang semakin sulit di masa pandemi penyakit akibat virus corona atau Covid-19.Ilustrasaun. (iStockphoto/narvikk).

 

Jakarta, CNN Indonesia – Rússia liu husi nia embaixador bo’ot iha Coréia do Norte afirma kondisaun iha Pyongyang aumenta difisil durante tempo pandemia no moras kauza husi virus corona.

Embaixador Rússia iha Pyongyang afirma mos kondisaun iha Coréia do Norte agora aumenta difisil depois de governasaun Kim Jong-un implementa lockdown no politika hodi evita transmisaun Covid-19.

Liu husi postagem ida iha Facebook, Embaixada Rússia hateten funsionariu diplomata estrangeiru iha Coréia do Norte husik hela ona Pyongyang. Atualmente, sei iha ema estrangeiru 300 mak restu hela iha sidade ne’e.

“Laiha ema ida mak bele suporta no halao moris ho situasaun ida nebe antes nunka akontese pior hanesan ne’e. menus nescesidade, inklui aimoruk sira no laiha kapasidade hodi rezolve problema saúde, “ hateten embaixador Rússia ne’e.

Konformi cita husi AFP, antes ne’e relator especial Organização das Nações Unidas (ONU) ba Coréia do Norte mos fo ona alerta ba politika atendimentu corona nebe fo impaktu ba “difikuldade ekonomia nebe pior” iha nasaun nebe hasoru hela krizi hahan.

Coréia do Norte hasoru ona Krize ekonomia, iha nebe populasaun barak sofre menus aihan. Kondisaun ne’e aumenta grave ho sansaun internasionais kauza ambisaun Kim Jong-un relasaun ho nia programa armas nuklear.

Kondisaun ne’e aumenta a’at liu tan tamba desde pandemia corona espalha primeira-vez, Coréia do Norte foti medidas taka kedas ftonteira, inklui aeroporto sira.

Iha situasaun pandemia refere, reprezentates diplomatikus estrangeiru sira hotu, inklui Rússia, nafatin mantein sira nian reprezentantes iha nasaun neba.

Maibe iha fulan Fevereiru, diplomatan Rússia nain 8 no sira nia membru familia iha Coréia do Norte hakarak fila ba sira nasaun liu husi fronteira ho kareta nebe dudu ho liman. Sira nia video fila sai viral tebes iha media social. (MF)

https://www.cnnindonesia.com/internasional/20210401183128-113-625095/rusia-sebut-korut-makin-melarat-karena-pandemi-covid-19