“ Iha Kristu hau bele hetan saida deit, tamba Nia mak fo forsa mai hau. “Filipe 4:13
Biblia hateten, ‘ labele gaba aan kona ba aban, tamba o lahatene saida mak loron ne’e atu lori mai (Proverbiod 27: 1) ida nebe mak lo’os katak, bainhira o hader kada dader o lahatene saida mak sei akontese ba o loron ne’e. O konserteza hakarak loron nebe laiha problema no o hakarak saida mak o dezejo ka mehi sira ne’e bele realiza hotu. Maibe o iha experensia sira ne’e, buat sira ne’e nem sempre akontese. Ita moris iha mundu real nebe ho problema real. O nia inimigu diabu ne’e real, no nia servisu ho maneira oioin nebe karik lori ita dezizte, preukupadu, no falhansu.
Hatene kona ba ida ne’e, Salmista hakerek: ‘ se o halo Maromak sai o nia refugio (perlindungan) laiha buat aat ida mak bele manan o, laiha moras aat ida mak sei besik o nia uma. Tamba Nia sei haruka nia anjo sira hodi protege o iha fatin nebe mak o ba. Maromak hateten, Hau sei salva sira nebe hadomi Hau, Hau sei protégé sira nebe fiar iha Hau. Bainhira sira bolu Hau, Hau sei hatan ba sira, Hau sei hamutuk ho sira iha tempu susar nia laran. Hau sei salva sira no fo onra ba sira. Hau sei fo vida naruk ba sira, no Hau hatudu Hau nia salvasaun ba sira.
La importa saida mak akontese, o tenki fiar katak bainhira tempo ne’e to’o, Maromak sei fo grasa hodi liu buat sira ne’e. Atensaun, diabu gosta ataka ema sira nebe forma hela hodi simu Maromak nia bensaun. Tamba ne’e apostulu Paulo hakerek , ‘ hau pronto ba saida deit no buat hotu nebe liu husi Nia nebe kuda forsa iha hau nia laran. ‘ Forsa laran nian diak liu forsa husi liur. Tambasa? Tamba enkuantu o forsa husi laran, o bele hasoru saida deit nebe ataka o. tamba ne’e prepara ba loron ne’e. (mf)
Hahan Espiritual: Dan 8–10, Markus 3: 1–6, Salmo 103: 13–22, Prov 10:14