Ilustrasaun. (Istockphoto/D-Keine)
Jakarta, CNN Indonesia – Autoridade Myanmar kaer jornalista Japaun
ida iha Yangon, Yuki Kitazumi, iha semana kotuk liu ba.
Testemunha ida nebe hare hateten ba BBC Myanmar katak militar kaer Yuki iha nia uma iha loron Sabadu (17/4) kalan.
Hanesan cita husi Reuters, sira husu Yuki hodi hit liman rua no haruka tama ba iha kareta laran.
Bazeia ba informasaun Embaixador Japaun iha Myanmar, Yuki agora dadaun detidu hela iha prizaun Insein, instalasaun konhesida nebe babain prezu politik nain sira.
Porta-voz Embaixada Japaun hateten ba AFP katak sira nia parte sei husu lisensa atu hasoru malu ho Yuki iha prizaun.
“ Ami ezizi Myanmar atu husik nia. Ami sei esforsu saida deit hodi protégé sidadaun Japaun, “Afirma porta-voz Embaixada Japaun ne’e.
Nia hatutan tan katak, “ razaun kona ba kaer nia ne’e, Embaixada Japaun sei estuda hela.
Ida ne’e sai hanesan segundu vez Yuki detidu desde golpe militar no governu sivil Myanmar 1 fevereiru liu ba.
Bainhira iha fulan fevereiru liu ba, nia hetan baku, maibe la kleur sira husik nia.
Grupo monitoramentu nebe hanaran Reporting ASEAN hateten katak Myanmar kaer ona maizmenus jornalista 65 desde inisiu golpe. Atualmente pelu menus jornalista 34 mak sei detidu hela.
Tuir informasaun husi grupu monitoramentu seluk, Associação Assistência ba Prisioneiros Políticos (AAPP), atualmente iha jornalista tolu husi Myitkyina News detidu centru interogatorio iha nasaun parte Kachin.
“ Iha centru interogatoriu ne’e ema sira nebe detidu hela obriga atu assina no koalia sai buat ruma, se lae, sira sei hetan baku, “ afirma AAPP iha Segunda (19/4). (mf)