Presiden China Xi Jinping memastikan bahwa negaranya akan terus bekerja sama dengan Indonesia dalam pengadaan vaksin corona.Prezidente Indonezia Joko Widodo ho Prezidente China Xi Jinping.  (Tomohiro Ohsumi / POOL / AFP).

Jakarta, CNN Indonezia – Prezidente China Xi Jinping garantia katak nia nasaun sei kontinua kopera hamutuk ho Indonezia iha aquizisaun vasina corona.

Xi haktuir tan katak, China prontu ajuda Indonezia hodi hari sentru produksaun vasina iha nia rejiaun.

Assuntu ne’e informa husi Xi iha ninia komunikasaun telefone ho prezidente Jokowi iha Tersa (20/4), orario lokal. Xi afirma katak China ho Indonezia hamutuk fo importansia ba vida no saúde publiku  no rejeita nasionalismu Vasina.

Iha programa vasinasaun nasional, Xi hateten, China mos fo vasina ba sidadaun estranjeiru inklui Indonezia .

Hanesan cita husi Xinhua, nia espera Indonezia mos fo apoio ativu ba sidadaun Chineza sira iha neba.

Indonezia semana kotuk liu ba simu oitavu faze vasina corona produsaun china, Sinovac.

To’o agora kuaze 22 mil dozes husi 46 milhaun mak tama no distribui ona ba area Indonezia tomak.

Fulan ida ba oin, hein katak Indonesia sei simu besik 20 milhaun dozes vasina tan husi rezultadu produsaun Bio Farma.

Xi aumenta tan katak koperasaun komersial no investimentu entre China no Indonezia kontinua lao maske iha pandemia Covid-19.

Parte rua ne’e, Xi akresenta tan, tenki kontinua estimula projetu koperasaun infrastruktur hanesan kareta lalais, Jakarta-Bandung.

No mos seriu hodi halo projetu bo’ot, inklui koridores ekonomia regionais, no estimula área  kresimentu foun hanesan energia foun no koperasaun maritime, no haforsa koperasaun iha economia digital no área sira seluk.

Jokowi mos agradese ba China tamba fornese ona ajuda valiozo ba Indonezia nia luta kontra Covid-19.

Jokowi mos hato’o nia esperansa hodi kontinua fortalese koperasaun ho China iha produsaun vasina corona. (Mf)

https://www.cnnindonesia.com/internasional/20210422071823-113-633137/china-siap-bantu-indonesia-bangun-pusat-produksi-vaksin-covid