Prezidente Camara Comercio Industria Timor Leste Oscar Lima (foto google).
Dili – Prezidente Camara Comercio Industria Timor Leste Oscar Lima, iha nia servisu fatin edificio kompanhia Monte Viado kinta semana ne’e ba Radio Voz hateten, seitor privadus kompanhia barak afetadu makaas hosi dezastre naturais inundasaun extrema iha loron 4 de Abril semana rua liu ba. Kompanhia barak atinjidus sofre estragus ekipamentus todan, dokumentus oficiais, estagus edifisiu no seluk. Oscar Lima rekuinese dezastre naturais husi siklona tropikal ho inundasaun extrema nebe akontede nudar exraordenariu implika estragus barak ho kustu bot ba multi entidades publiku, seitor privadus no fasilidades populasaun em jeral iha teritoriu nasional tomak.
Camara Comercio Industria simu ona orientasaun husi ministeriu kompitentes no halo ona rekoilhamentu dadus kompanhia vitimas dezastre sira hodi submete ba prosesu intervensaun rekoperasaun husi governu. Oscar Lima haktuir, governu nia importante hodi rekopera hikas kondisaun presuizu hotu nebe kompanhia barak infrenta. Tanba se wainhira laiha intervensaun husi governu maka kompanhia barak sei labele ona halo buat ida no labele ejisti ona. (AG)