Fontes foto google.

Dili- Xefi Bankada Partidu Demokratiku Antonio da Conçeicão iha parlamentu nacional Sesta semana ne’e ba jornalista sira hateten, implementasaun estadu emerjensia nudar medidas ida hodi asegura saúde publiku ba sidadaun hotu no forma komportamentu diak sidadaun hotu nian atu hatene kumprimenta lei no orden estadu. Tamba ne iha situasaun pandemia Covid-19 ameasa nasaun wainhira sidadaun sira nia komportamentu a’at la kumpri regras mitigasaun pandemia Covid-19.

Entaun sidadaun sira maka estraga saude sidadaun sira rasik. Deputadu Antonio haktuir, numeru moras covid-19 iha nasaun kontinua sa’e no hamate ona ema nain 3. Timor Leste ho numeru populasaun milaun 1.500.000 ho numeru pozitivu sa’e no obitus (mate) nain 3 Persentazemente  signifika Timor Leste nia kazu bot liu kazu covid-19 iha nasaun bot sira hanesan America, Indonesia no nasaun bot sira seluk nebe numeru populasaun barak . (AG)