Ilustrasaun Ambulansia nebe lori pasiente Covid-19 iha India, (Reuters/Amit Dave).
Jakarta, CNN Indonesia – ema nain 12 mate tamba ahi han ospital ida nebe trata pasiente Covid-19 iha India (23/4).
“ Ema sanolu-resin rua mate tamba ahi han ida ne’e bazeia ba informasaun nebe ami iha agora, “ hateten funsionariu bombeiros nian, hanesan cita husi Reuters.
Funsionariu ne’e hateten katak insendiu (kebakaran) iha ospital Vijay Vallabh iha arredores Mumbai ne’e hahu husi ahi kik nebe lakan iha unit tratamentu pasiente kritikus.
To’o agora, parte autoridade sei kontinua halibur informasaun detalhu kona ba ahi han refere.
Ahi han ne’e akontese iha situasaun nebe kazu Covid-19 aumenta iha India. Primeiru Ministru Narendra Modi mos deklara katak nia nasaun ne’e atinji etapa daruak pandemia Covid-19.
Kauza husi pasiente nebe aumenta, ospita iha India nakonu. Fasilidade no unidades servisu saude mos reklama tamba menus toba fatin no oxigenio.
Tuir dadus Ministeriu Saúde India, kazu Covid-19 iha nasaun ne’e aumenta sae ba 314.835 iha loron ida nia laran iha Kinta (22/4). (MF)