“ Bainhira imi atu halo orasaun, mais imi hirus malu hela ho ema ruma, ba diak malu tiha ho ema ne’e lai. (Marcos 11:25)
Bainhira ema ida hakanek ita, ita nia vontade mak hakarak fila hakanek ema ne’e ou espera ema ne’e bele hetan terus ba saida mak nia halo ona ba ita. Maibe hanesan Maromak nia oan nebe hetan ona kasu, ita hatene ida ne’e resposta nebe sala. Husi ne’e mak ita foin hatene katak fo perdaun ema ida ne’e la fasil ida, ita presija teb-tebes Maromak nia grasa nebe sobrenatural.
Husi nebe mak ita bele hetan? Liu husi orasaun! Jesus hateten, bainhira o atu halo orasaun, mas se karik o hirus hela ema ruma, ba hodi fo perdaun lai, nune’e Aman iha lalehan mos fo perdaun ba o nia sala sira ne’e. Hanoin Maromak nia domin ba ita halo ita laiha opsaun seluk so tenki fo domin nebe hanesan ba ema ida nebe hakanek ita.
Lewis Smedes hateten, ‘Perdaun mak desijaun hodi liberta prizioneiru, I ita dalaruma hanesan prizioneiru ne’e. entaun se ita iha vontade hodi fo perdaun ba ema ida, haksolok ba, Espiritu Santu halo o servisu balun, hodi halo kompletu sorin balun ne’e, ita tenki haraik ita nia an no orasaun dehan: Aman, hadok hau husi vontade nebe hakarak atu vinga (balas) buat aat nebe ema halo mai hau. O hare ba buat sira ne’e hotu no ho o nia matenek nebe limite o dehan ba Maromak katak, “ Buat hotu servisu hamutuk hodi lori diak” (Roma 8:28). No ida ne’e ba hau nia diak.
Entaun hahu agora ho ita bo’ot Nia Espiritu Santu hau sei bele fo perdaun ba sira, no la hanoin situasaun atu oinsa, mas hau sei deklara Maromak nia liafuan sai hanesan troka.
Halo livre ita nia a’an husi fuan moras sira ne’e. bainhira ita husi buat sira ne’e hotu ita tau ita nia a’an iha pojisaun nebe diak no hodi lao iha Maromak nia bensaun. Tamba ida ne’e mak sai hanesan razaun ita tenki perdoa ema sira ne’e! (Mf)
Hahan Espiritual: Bil 3: 1–4: 33, Markus 4: 26–41, Mz 144: 9–15, Ams 10: 22–23.