Ministra saúde Maria Freitas Belo (Foto: Andre Gusmão/Radio voz).

Ministra saúde Maria Freitas Belo, iha rezidensia  Primeiru Ministru Farol Tersa semana ne’e halao enkontru ho Primeiru Ministru Jeneral Taur Matan Ruak hodi deskuti medidas estadu emerjensia ba dala 13. Hafoin nia enkontru ho Primeiru Ministru

ba jornalista sira ministra hateten, eskalasaun numeru Covid-19 iha nasaun kontinua sa’e, tanba ne’e Ministeriu Saúde sei estabelese antesipadamente fatin izolamentu iha munisipiu hotu hodi hatan hasoru laloran Covid-19 iha nasaun laran.

Hatan ba preokupasaun publiku relasiona ho efeitus konkretu hosi vasina AstraZeneka kontra Covid-19 ministra esplika, vasina AstraZeneka la kombate kedas virus iha ema nia isin no ema nebe simu ona vasina astraZeneka mos  sei bele kona nafatin Covid-19. Maibe ema nebe simu ona vasina AstraZeneka nia imunidade aumenta sa’e hodi konfronta hasoru virus Covid-19 to’o tempu nebe virus lakon hosi ema nia isin. (Ag)