India prepara ahi sunu, hodi sunu mate isin Covid-19. (REUTERS/DANISH SIDDIQUI).
Jakarta, CNN Indonesia – kaixa nebe priense ho ventilador no konsentradores oxigenio husi Reinu Unidu to’o iha aerportu Delhi iha Tersa-feira (27/4), marka ajudus médiku internasional primeiru to’o ona hodi ajuda India atu rezolve surtu Covid-19.
Aleinde Reinu Unidu, nasaun hanesan Estadu Unidu (EUA), França, Alemanha, Canadá, Uniaun Europeia no organizasaun Saúde Mundial (WHO) promete ona sei fo ajudu médiku ho lalais ba India.
Prezidente EUA Joe Bidem antes ne’e loke ona lisensa hodi exporta 60 milhaun dozez vasina Covid-19 produsaun AstraZeneca.
Seidauk hatene lolos nasaun nebe mak sei hetan, maibe possibilidade bo’ot India, depois de Biden koalia diretamente ho Primeiru Ministru India Narendra Modi liu husi Telefone.
França hateten katak sei entrega unidade ualu ekipamentu produsaun oxigenio, inklui reservatórios oxigenio no respiradores ba India.
Iha tersa (27/4), India rejista 350 milhaun kazu pozitivu iha loron ida nia laran. Ida ne’e halo numeru kazu global atinji 147,1 milhaun ho rejistu mate 3,1 milhaun ema iha mundu tomak. (Mf)