DR. Jose Ramos Horta. (fontes foto google).
Eis-Prezidente da Republika DR. Jose Ramos Horta iha konferensia imprenza iha nia rezidensia Farol Quarta semana ne’e hateten, situasaun Covid-19 iha nasaun seriu, enkuantu ameasa bot liu tan husi alastramentu Covid-19 iha India nudar perigu bo’ot nebe Timor Leste tenke antisipa tanba distansia jeografika India besik loos ho Timor Leste. DR. Ramos Horta sujere Governu prepara rezerva vasina barak atu populasaun tomak bele hetan vasina iha tempu badak. Ramos Horta alerta Governu tenke rigor iha medidas prevensaun no aplika sansaun ba kualker sidadaun nebe viola regra inklui taka total fronteira terestre wainhira presiza, atu nune’e ema labele tama sai arbiru ilegalmente hodi aumenta tan transmisaun no daet covid-19 ina Nasaun laran. Tanba fontes inisiu transmisaun Covid-19 iha nasaun mai husi ema tama sai ilegal iha frontera terestre. Maske rekuinese seridade governu iha lideransa Jeneral Taur Matan Ruak ba prevensaun Covid-19, Ramos Horta sujere Governu atu ajusta didiak medidas balun ligadu ho rekoperasaun ekonomia sosial povu nian hanesan politika Sesta baziku atu sai efikas no efetivu. (Ag)