Foto pasiente virus corona iha india obrigatorio tratadu deit iha ambulansia laran, tamba menus kama iha ospital. (REUTERS/AMIT DAVE).
Jakarta, CNN Indonesia – Organizasaun Saúde Mundial (WHO) hateten krizis virus corona iha India sai pior tamba attitude populasaun sira nebe paniku no hotu-hotu halai lori malu ba ospital.
Sira haktuir katak, populasaun nebe laiha assuntu importante ne’e la presija ba iha ospital, tamba sei halo rame deit iha neba no bele kauza moras.
“Agora daudaun, problema seluk mak ema barak nadodon mai iha ospital ( no mos tamba sira laiha assesu informasaun no konselhu), enkuantu monitorimentu atendimentu iha uma ou auto-isolamentu administradu ho seguransa tebes, “ afirma Jasarevic, cita husi Reuters.
Governo India, hatutan Jasarevic, tenki examinar no selesiona pasiente ba Departamentu Emergensia ou triage, no rekomenda auto-isolamentu iha uma ho seguru.
Assuntu ne’e hato’o husi Porta-Voz WHO Tarik Jasarevic, iha Tersa (27/4).
Kazu diariu infeksaun corona iha India atinji to’o rihun 350, até total kazu iha India aumenta sae ba rihun 17,6 liu, no numeru mortalidade besik rihun 200.
Ospital nebe laiha suprimentu oxigenio sufisiente no toba fatin menus rezeita pasiente virus corona. (Mf)