‘ Seraque ita hakarak deit simu buat diak husi Maromak, no lakohi simu buat susar? ‘ Job 2:10

Se karik o hakarak fo pergunta ba Maromak atu Maromak bele resposta, saida mak o sei husu ba Maromak? Bainhira Barna Research husu pergunta ida iha pesquiza nasional iha Estadu Unidu, nia pergunta mak: ‘ Tambasa ita senti moras no terus iha mundu ida ne’e?’

Resposta simples mak: Kristu Nia mai primeiru hodi salva ita husi kastigu pekadu nian, Maibe atu to’o iha momentu ida nebe ita sei hasoru moras no terus. Job ema nebe diak no loos, maibe nia oan nain sanolu mate dala ida. Depois nia fen hateten tan ba nia, “ O sei kaer metin hela ba ita nia hahalok perfeitu ka? Koalia aat ba Maromak no mate deit ba.” ‘(Job 2: 9-10)

Atensaun no aprende husi Job nia moris husi susar sira hotu nebe nia hasoru nia la halo sala ho nia ibun. Konserteza nia tristi, Sim nudar ema!

No karik nia iha pergunta barak ba Maromak, inklui ida nebe mak seidauk iha resposta, maibe bainhira nia koalia, nia koalia nune’e: ‘ Maibe Nia hatene dalan nebe hau liu, no bainhira Nia koko hau, nune’e hau sei sai hanesan osan mean. Hau nia ain lao tuir metin Ninian ain fatin, hau lao tuir dalan no la fila ba sorin. Hau la sees husi ukun fuan sira nebe mai husi Ninian ibun tutun; Hau kaer liafuan husi Ninian ibun nudar riku-soin nebe iha folin liu fali hau nia hahan. (Job 23: 10-12). (Mf)

Hahan Espiritual: Num 11–13, Markus 5: 31–43, Salmo 2, Prov 10: 30–32