‘Tome, nebee hanaran Kaduak, ida husi disiplu sanulu resin rua, nia la hamutuk ho sira seluk bainhira Jesus hatudu nia aan.’ (João 20:24)
Biblia Hatete: agora Tome, nebee hanaran kaduak, ida husi disiplu sanulu resin rua nee, nia la hamutuk ho sira seluk bainhira Jesus hatudu nia aan. Tamba nee, disiplu sira seluk fo hatene ba nia katak “ami hare ona Nai.” Maibe nia hatan ba sira, “molok hau hare ho hau nia matan ba pregu fatin iha nia liman, no tau hau nia liman ba nia, hau sei la fiar.” Liu tiha loron walu, apostulu sira iha uma ida nia laran no iha nebaa Tome hamutuk ho sira, odamatan hotu taka, derepenti Jesus hamriik iha sira nia klaran, no dehan, “Paz ba imi!” depois, Nai Jesus koalia ba Tome,” foti o nia liman fuan no kona iha Hau nia liman nebee pregu fatin no tau liman mai hau. Labele sai ema nebee la fiar, maibe fiar ba.” “Depois Tome hatan no dehan, “Hau nia Nai, no hau nia Maromak!’” (Joaun 20:24-28)
Atensaun ba frase hirak nee ‘Tome, hanaran kaduak’. O hatene se mak kaduak ida seluk? O! se deit mak O, nebee loron ohin lee dadauk pagina ida nee, O mak Tome’ nia kaduak. Hanoin didiak konaba asuntu ida nee: dala hira mak ita sempre duvidas ba Nai Nia Domin, Nai nia laran diak, Nia miserikordia, Nia grasa, Nia Loialdade, no Nia Promesa? Tan nee, solusaun ba o mak saida? Hasoru malu oin ba oin ho Nai Jesus hanesan Tome.
Ida nee akontese bainhira O medita Nai Maromak Nia Liafuan no atensaun ba versiklu sira hotu iha pagina ida ba ida, maka sei fo impakto atu o bele haklalak ba Nai hodi dehan, “Hau nia Nai no Hau nia Maromak!” buat sira nee akontese iha dialogu entre o ho o nia belun feto ou mane bainhira imi fahe esperiensia ou ideia ba malu.
O rasik sei dehan, “Hau nia Nai no Hau nia MAromak,” bainhira o halo orasaun hanesan Salmista: ‘Fo laran diak ba O nia atan, nunee hau bele moris no halo tuir O Nia hakarak. Loke hau nia matan, nunee hau bele hare buat furak iha O Nia Lei.’ (Salmu 119:17-18) [Hg]
Hahan Espiritual: Numeru 14-15, Markus 6:1-13, Salmu 37:1-7, Proverbiu 11:1-2.