‘Ema nebee hanoin ho matenek sei halo buat hotu ho matenek, maibe beik ten hatudu ninia hahalok beik’. (Proverbiu 13:16)

Liu husi ita gasta tempu hodi alkansa matenek, halo ita sai prontu ba oportunidade moris nian nebee sei mai. Bainhira ita la prontu, matenek ne sei liu no ba fali ema seluk. Nai Maromak nia liafuan hateten nunee, ‘hau nia povu hetan terus tamba falta matenek’ (Hoseia 4:6). Observa:

  1. Hanoin nebee estratezika prepara o ba iha future. La iha ema ida husi ita nebee hatene saida mak sei akontese iha loron aban. Labele gaba aan ba loron aban tamba o lahetene saida mak sei akontese iha loron aban.(Proverbiu 27:1). Buat ida nebee aat liu inserteza loron aban nian mak la iha planu no estratezia ba o nia moris.
  2. Hanoin nebee estrateziku hamenus pontu ba sala. Bainhira ita tebe uja kanotak, ita aumenta pontu ba iha sala. Ida nee hanesan golfer ida nebee hakbesik aan ba bola no suta antes nia tempu. Bainhira suta bola ne sala maka sei lori bola nee liu fali ita nia trjetu. Hanoin nebee estrateziku sei ajuda hodi halo los ita nia asaun ho ita nia objetivu, hanesan mos ita prepara aan iha forma hodi shut ita nia bola ba iha bandera hun  ho neneik tuir ita nia tarjetu, sei iha oportunidade atu bele ba iha diresaun nebee los.
  3.  Hanoin nebee estrateziku halo ita sai influensia ba ema seluk. Iha ema ejekutivu ida hatoo ninia apresentasaun nunee, ‘Ami nia kompanna iha planu ba tempu badak no mos iha planu ba tempu naruk. Planu ba tempu badak mak ami sei nafatin firme ho tempu nebee sufisiente atu bele too iha planu ba tempu naruk. Ida nee laos estratezia, maibe ida nee ita nia posisaun hodi hetan buat nebee iha ita nia aan. Ema nebee iha planu make ma ida nebee forti.

Atividade saida deit nebee o envolve o nia aan, hanoin nebee estrateziku maka sei lori o ba susesu. Koalia ba Nai Maromak konaba assuntu ida nee. (HG)

Hahan Espiritual: Numerus 16-18, Markus 6:14-29, Salmu 37:8-15, Proverbiu 11:3.