Prezidente Asosiasaun jornalista Timor  Leste AJTL Zivonia Fernandez Vieira, liu husi konferensia imprenza. (Foto Andre Gusmão).

Dili – Prezidente Asosiasaun jornalista Timor  Leste AJTL Zivonia Fernandez Vieira, liu husi konferensia imprenza ba ambitu komemorasaun loron mundial liberdade imprenza iha sede Asosiasaun jornalista Timor Leste segunda semana ne’e deklara kongratulasaun parabens ba jornalistas nasional tomak nebe celebra loron mundial liberdade imprenza loron 3 de Maio 2021.

Prezidente Asosiasaun AJTL Zivonia iha nia intervensaun ba komemorasaun loron mundial liberdade imprenza ho thema “informasaun nudar bem publiku” ne’e hateten, liberdade imprenza Timor Leste globalmente to’o oras ne’e atinji nivel primeiru diak liu liberdade imprenza iha nasaun sira iha rejiaun Sudeste Asiatiku. Asosiasaun Jornalista Timor Leste apela ba jornalista nasionais hotu atu nafatin promove kualidade nutisias nebe divulga sai ba publiku, atu sosiedade konsume notisia nebe kredivel no forma sosiedade sai kualidade. Asosiasaun AJTL mos apela ba Guvernu RDTL atu nafatin asegura liberdade imprenza iha nasaun hodi promove nafatin kualidade liberdade imprenza iha nasaun ba futuru. (AG)