Manifestante sira tuda tomate no manutolun ba tribunal Bangkok, hodi eziji liberta ba prezu politikus sira iha Thalandia, 2 Mei 2021. (AFP/JACK TAYLOR) .
Jakarta, CNN Indonesia – Manifestante Thailand atus barak mak espalha iha tribunal Bangkok nia oin ho tinta mean, hodi tuda uza tomate no manutolun, Domingo (2/5).
Asaun ne’e halo hodi ezizi libertasaun ba prezus politiku sira, inklui ativistas nebe halo asaun para han (mogok makan), iha nasaun elefante mutin refere.
“ Ami iha ne’e, loron ida ohin hodi hatudu katak iha injustisa, “ afirma lider ba asaun refere, hanesan cita husi AFP.
Manifestante sira ne’e hakilar, “ liberta prizioneiru politiku sira. “ sira mos hit liman fuan tolu, hodi hatudu simbolu rezistência movimento pró-demokrasia iha Thailandia.
Rezultadu husi asaun manifestante sira nian refere, kompleksu tribunal Bangkok nia oin refere nakonu ho tinta mean, soe tomate até manutolun. Aleinde ne’e mos sira kaer baner nebe hatudu juiz nia rezeita ba kanselamentu detensaun ativistas ho sira fo naran Penguin nebe taka iha portaun tribunal refere.
Penguin, nebe ho naran lolos Parit Chiwarak sai henesan ativistas universitariu nebe detidu hela desde fulan Fevereiru liu ba tamba ninia asaun. Nia infrenta akuzasaun barak kona ba nia papel lidera asaun prostesta kontra governo, Primeiro-Ministro Prayut Chan-O-Cha, tinan kotuk no eziji reformasaun ba sistema Monarquia iha Thailandia.
Penguin iha nia asaun desidi la han (mogok makan) iha 16 Marsu liu ba. No lakon nia pezu isin liu kilo 12, até tenki lori halai ba ospital.
Hanesan informasaun, impaktu husi sistema monarquia, Luirai Thailandia no nia familia proteje husi lei, nune’e ema sira nebe atu hamonu ka insulta, ameasadu hetan kondenasaun, pena prizaun maximu tinan 15.
Atualmente kuaze ativistas 70 pró-demokrasia nebe hasoru kondenasaun iha Thailandia. (Mf)