‘Hau sei adora Nai nebee fo konsellu mai hau’ (Salmu 16:7)

Bainhira o hasoru problema nebee mai hodi hanehan o, harahun nia sai pedasus-pedasus, fasil liu hodi resolve atu nunee o bele focus ba ida-idak hodi sai efetivu liu. Labele koko hodi rai buat sira nee hotu iha o nia ulun; Anota hotu buat sira nee iha kaderno atu nunee o bele fasil liu hodi edentifika. Ida husi sira seluk mak dala ruma sai chave hodi loke dalan ba sira seluk. No karik o sedauk hetan solusaun, lori ba Nai Maromak liu husi Orasaun. Salmista hateten nunee, “Nai sei kumpri ninia planu mai hau!” (Salmu 138:8)  Buat nebee importante ba o, importante mos ba Nai Maromak. Halo orasaun ba: “NAi, hau tau hau nia problema ida nee ba O no hau sei deskansa.”

Bain hira o halo ona o nia parte, o bele hader fali iha tempu dader ho solusaun nebee simples no makaas liu ba o nia problema boot nebee o hasoru iha tempu molok kalan o toba. Salmista dehan, ‘Hau sei adora Nai nebee fo konsellu mai hau; Iha kalan mos hau nia fuan laran koriji hau.’ Maromak hatene buat nebee o la hatene, no orasaun lori o asesu ba matenek.

Paun lima no ikan rua iha labarik mane ida nia liman labele fo han ba ema rihun lima. Maibe, iha momento nebee nia oferese ba Kristu nia liman, nakfilak sai barak too naresin no sei restu tan bote sanulu resin rua. Maneira hanoin estratezika nebee diak liu se bainhira Maromak mak halo. Hun husi o nia estratezia, bainhira o hamriik iha Nai Nia Liafuan no haklalak ba Nia promesa: ‘Bolu ba Hau no Hau sei hatan ba o, Hau sei fo hatene ba o buat sira nebee boot no subar, buat sira nebee o lahatene.’ (Jeremias 33:3)

Nai Maromak sei halo servisu liu husi o, bainhira o rekonhese katak o mesak o sei la konsege halo buat ida. [HG]

Hahan Espiritual: Numerus 19-21, Markus 6:30-44, Salmu 37:16-24, Proverbiu 11:4.