Fontes Foto Agensia Tatoli.
Dili – Ministra saude Maria Odete Freitas Belo, iha rezidensia Primeiru Ministru Farol Tersa semana ne’e ba jornalista sira hateten, iha loron Kuarta 5 de Maio semana ne’e Timor Leste sei simu vasina astrazeneka dozes rihun 10 hosi guvernu Australia, nudar apoiu bilateral husi Australia ba Timor Leste. Vasina AstraZeneka husi Australia ne’e Ministeriu Saúde sei aplika iha loron 10 de Maio ho alvu vokasaun ba ema pasiente Covid sira nebe assumi moras komplikadu ho idade avansadu tinan 60 ba leten nebe konsidera vulneravel asumi risku aas ba transmisaun Covid-19. Ministra saude nebe koalia ba jornalista sira hafoin nia enkontru ho Primeiru Ministru Jeneral Taur Matan Ruak ne’e haktuir, iha loron 19 de Maio semana oin mai Timor Leste mos sei simu tan apoiu vasina astrazeneka fase daruak hosi guvernu Australia dozes rihun 10.000 dozes. Timor Leste mos sei simu vasina AstraZeneka faze tuir mai husi sistema covac fasilita nian, no sei simu mos apoiu vasina husi governu China. (AG)