Leaun ualu iha zoológico Nehru di Hyderabad, India, informa katak hetan infeksaun virus corona. Pixabay/WenPhotos)
Jakarta, CNN Indonesia – Leaun ualu iha zoológico (kebun Binatang) Nehru di Hyderabad, India, informa katak hetan infeksaun virus corona (Covid-19).
Cita husi Reuters, Kuarta-feira (5/5), doutores animal balun iha zoologógico ne’e hahu deskonfia tamba iha leaun ida nebe hasoru problema respiratorio.
Sira examina no haruka amostras (sampel) fluidus respiratorio leaun ne’e nian ba laboratorium iha 24 fulan Marsu liu ba.
Hafoin halo examinasaun, deskobre katak leaun ne’e pozitivamente infektadu Covid-19.
No entantu, to’o agora seidauk hetan evidensia forte se virus corona ne’e daet husi ema ba animal.
“ Bazeia ba experensia ho zoológico iha mundu nebe rejista kazu pozitivu SARS-COV2 iha tinan kotuk, seidauk iha evidensia nebe hateten animal bele hadaet moras ne’e ou lae, “ afirma Ministério Indiano Meio Ambiente, Silvicultura e Clima Mudar.
Agora dadaun zoológico Nehru taka temporariu.
Kazu infeksaun corona ba animal akontese bainhira kazu corona aumenta sae makas.
To’o agora India rejista kazu rihun 20 infeksaun corona. Total ne’e halo India sai segundu lugar ho kazu infeksaun bo’ot iha mundu, depois de Estados Unidos.