Bill Gates ema riku ida iha mundu divorsio ho nia kaben Melinda Gates. (Foto: AFP/JEFF PACHOUD).
Jakarta, CNN Indonesia – Billionariu Bill Gates no Melinda Gates anunsiu katak sira hakotu ona sira nia kazamentu hafoin tinan 27 hari uma kain.
“ Depois de hanoin barak no halo esforsu ba relasionamentu, ami foti desijaun hamutuk atu hakotu ami nia kazamentu, “ hakerek Bill Gates iha nia account Twitter privadu, Tersa (4/5).
Sira nain rua nafatin komitmentu ba sira nia Fundasaun filantrópica, Bill no Melinda Gates Foundation, nebe sira hari iha tinan 2000, maske la sai kazal ona.
“ Ami iha oan nain 3 nebe maravilhosos (luar biasa) no hari fundasaun nebe servisu iha mundu tomak hodi permite ema hotu iha moris nebe saudavel no produtivu, “ dehan deklaradu ne’e.
“ Ami nafatin kompartilha ami nia fiar ba malu iha misaun no sei kontinua ami nia servisu iha fundasaun, maibe ami la iha serteza kata kami bele buras hamutuk hanesan parseiru kazal nian iha faze tuir mai, “ nia hatutan.
Tuir informasaun katak, sira nain rua sai hanesan chefe no supervizores ba Fundasaun Nirlaba Bill no Melinda Gates Foundation nebe atualmente iha lukru ativu liu US $ 51 bilhaun. (MF)