Ilustrasaun. (Reuters/Navesh Chitrakar).
Jakarta, CNN Indonesia – Sri Lanka taka fronteira ho India hodi bele evita propagasaun Covid-19 husi nasaun vizinhu nebe oras ne’e daudaun atinji faze segundu corona refere.
Ho desijaun iha Kinta (6/5) ne’e, Governu Sri Lanka bandu hodi aviaun pasageiru husi India tama.
Aleinde ne’e mos, Marinha Sri lanka mos aumenta sira patrol iha tasi laran hodi evita tama ró sira husi India.
Tuir informasaun Marinha Sri Lanka, sira hapara ona ró 11 nebe liu iha fronteira entre nasaun rua ne’e.
Aleinde Sri Lanka, nasaun rua nebe halo fronteira direita ho India, hanesan Nepal ho Bangladesh mos taka sira nia fronteira hodi evita propagasaun ba Covid-19.
Nepal suspende voos (penerbangan) internasional husi India até pelo menus 14 Maio. Agora dadaun Nepal permite voos rua, loron ida hodi lori sira nia sidadaun husi India.
Atualmente, Nepal mos hasoru daudaun kazu Covid-19 nebe sae makas. Tuir informasaun katak ospital Nepal, médico sira komesa kolen hodi atende pasiente sira nebe kontinua mai.
Enkuantu ne’e, Bangladesh mos taka sira nia fronteira ho India. Sira bandu voos husi India desde 26 Abril liu ba.
Bangladesh rasik husu ona rihun 10 dozes vasina husi emprezas India, maibe entrega atrazadu. Atualmente, Bangladesh halo hela negosiasaun hodi hetan vasina husi empreza China. (MF)