Brunei Darussalam. (CNN Indonesia/Safir Makki).
Jakarta, CNN Indonesia – Brunei Darussalam relatadu laiha kazu foun Covid-19 durante tinan ida, laiha aumenta kazu lokal iha nasaun neba até Kinta-feira (6/5).
Nasaun nebe ho populasaun rihun 450.000 ne’e, primeira vez relata kazu corona iha dia 9 Marsu 2020. Maibe governu bok an lalais hodi prevene transmisaun corona.
Governo Brunei implementa kontrolu fronteira rigidus no regulamentu viajem hodi prevene transmisaun virus husi viajantes, embora numeru turista internasionais tun drastikamente.
Tuir Ministeriu Saúde Brunei, kazu foun ne’e akontese tamba feto ida ho tinan 20 to’o iha Europa, liu husi Singapura iha 23 Abril.
Nia isin manas makas, mear la horon no la senti hahan nia gostu desde dia 30 Abril. Nia tratadu hela iha National Isolation Center hamutuk ema nain 6 nebe ho kazu hanesan.
Governu Brunei liu husi programa vasinasaun Nasional iha dia 3 Abril tinan ne’e, ho ema rihun 17.776 nebe mak simu vasina Covid-19 até dia 5 Maio.
Nasaun refere fo autorizasaun hodi uza urjenti vasina oioin, hanesan Oxford-AstraZeneca, Pfizer-BionTech, Sinopharm.
“ Agora daudaun, vasina Covid-19 sei implementa ba faze ida, nebe konsiste husi frontliner, estudante rai liur, no idozus tinan 60 ba leten, “ hateten Ministeriu Saúde Brunei hanesan cita husi Xinhua.
“Prioridade fob a frontliner no ba idozus. Sira nebe frontline iha risku bo’ot hodi infekatdu Covid-19 no ba idozus sira nebe iha mos risku bo’ot liu ba kompliksaun grave, “hateten Ministeriu refere.
Ministeriu Saúde kontinua insentiva komunidade hodi tuir programa vasinasaun nasional, maske laos obrigatoriu.
“Hetan vasinasaun Covid-19 mak passu ida efetivu hodi proteje an rasik, ami nia familia no sociedade husi efeitus perigu corona, “ afirma Ministeriu.