‘Hau gosta halo tuir O Nia hakarak, oh hau Nia Maromak.’ (Salmu 40:8)
La iha haksolok moris nian nebee kompara bainhira ita hatene katak ita iha sentru Maromak nian. Laos famoju, laos rikusoin, laos goju (kesenangan). La iha komparasaun bainhira ita hatene katak ita bele hamnasa ba buat hotu nebee ita halo loron ba loron tamba Nai nia Vontade (hakarak). Serake ita halo tuir Maromak nia hakarak nee sempre fasil? Lae! Ida nee furak, maibe laos sempre fasil.
Dala barak level atakasaun/persegesaun nebee mai relasaun ho medida servisu nebee Maromak fo ba O. Maibe o nia haksolok sempre mai tamba o hatene katak Nai Maromak sempre fo forsa liu husi Nia Espiritu santo hodi ajuda o bele halo servisu hotu nebee o nunka konsege halo mesak. Tan nee, liu husi kompreensaun ida nee, diabu nia ataka mak hodi konfirma katak o tebes duni tuir Maromak nia hakarak!
Apostolu Paulo hakerek: “hau servisu makaas liu. Ema hatama hau ba komarka dala barak liu, ema baku hau makaas liu, I dala barak hau atu mate sal-sala. Ema judeu baku hau ho xikote fila-fila too dal tolu nulu resin sia, ida nee akontese dala lima. Dala tolu ema baku hau ho ai dona, dala ida ema tuda ho fatuk atu oho hau, dala tolu roo nebee mak tula hau atu mout iha tasi laran, I dala ida hau namlele iha tasi leten loron ida kalan ida. Hau sempre lao husi fatin ida ba fatin selu. Iha buat oi-oin mak ameasa hau; mota boot atu lori hau. Ema hadau hau nia sasan. Hau nia maluk judeu sira rasik halo aat mai hau, nunee mos ema nebee laos judeu. Hau atu mate salsala iha sidade laran, iha rai fuik, ho mos iha tasi laran. Too ema nebee finji sai hau nia maluk sarani mos ameasa hau. Hau servisu makaas no lahatene kole. Dala barak hau kalan la toba, la iha hahan I hamlaha hamrook. Hau aguenta iha malirin tamba la iha hena. Laos nee deit, maibe loro-loron hau mos sente todan tamba preukupa sarani sira iha nebee-nebee deit. Se hau rona sarani ida sente fraku, hau mos sente fraku. Se hau rona ema ida lori sarani ida monu bas ala, hau mos hirus.” (2 Korintus 11:23-29)
Tan nee, haksolok ba tamba o iha Maromak nia vontade. [HG]
Hahan Espiritual: Numerus 30:1-32:24, Markus 7:24-37, Salmu 44:9-16, Proverbiu 11:10-11.