Chefe Departementu Rejistu Veikulu. (Foto Andre Gusmão/Ravoz)
Chefe Departementu Rejistu Veikulu Diresaun Nasional Transportes Terestre Nelson Chiqueira Martins, iha nia servisu fatin edifisio Diresaun Nasional Transportes Terestre Sesta semana ne’e ba Radio Voz hateten, hafoin governu dekreta estadu emerjensia serka sanitaria no konfinamentu obrigatoriu maka hahu loron 9 de marsu mai too agora servisu Diresaun Nasional Transportes Terestre labele lao ho normal, tanba rezolusaun no dekretu lei governu so autoriza DNTT fo deit atendementu ba dokumetus veikulu entidades ka instituisaun esensiais sira hanesan veikulu governu nian.
Veikulu Porto no veikulu hosi insituisaun sira seluk nebe halao servisu liga direta ba interese publiku iha periodu serka sanitaria no konfinamentu obrigatoriu nebe teknikamente involve numeru ema kik. Ekuantu atendementu ba tratamentu karta kondusaun kareta no motor ba poubliku em jeral DNTT labele halo tanba teknikamente iha prosesu involve ema barak nebe posivelmente asumi risku bo’ot implika da’et moras covid entre ema barak nebe nalihun. Opsaun servisu ne’e aplika deit ba munisipiu Dili no munisipiu balun seluk nebe kona resolusaun serka sanitaria no konfinamentu obrigatoriu. Enkuantu ba munisipiu sira seluk nebe livre hosi serka sanitaria no konfinamentu obrigatoriu diresaun nasional transportes terestre fo atendementu normal hanesan situasaun normal antes.
Liga ba medidas tranzitu ba veikulus publiku Nelson hateten, adapta ba rezolusaun governu iha ona kordensaun polisia tranzitu katak, tanba resolusaun governu maka haruka taka servisu DNTT maka dokumentu veikulus publiku nebe mate iha periodu serka sanitaria no konfinamentu obrigatoriu la kona medidas sansaun, maibe ba dokumentus publiku nebe mate antes periodu serka sabiataria no kinfinamentu obrigatoriu loron 9 de marsu polisia tranzitu aplika medidas sansaun hanesan babain (AG)