‘Planu sira nee diak iha Faraun nia oin no nia atan sira nia oin’. Genesis 41:37
Nai Maromak fo mehi ba Jose katak loron ida nia sei iha posisaun aas hodi ukun. Maibe bainhira nia too iha farao nia palasio, nia la tama hodi fo anunsio katak, Nai Maromak fo hatene mai hau katak hau mak sei sai chefe iha imi nia leet ‘lae, nia tenke serviu makaas ba ida nee! Sei iha hamlaha boot iha mundu tomak no Jose laos fo deit planu ba Farao atu mantein hodi moris, maibe atu sai mos bensaun.
Tau matan didiak ba saida mak Farao koalia konaba Jose: Serake ita bele hetan ema hanesa ida nee, ema nebee iha espirito Maromak nian?(Hahu 41:38) tan nee, o nia mehi saida? O nia mehi no talentu nee importante, maibe susesu nebee ho durasaun naruk sei la akontese bainhira la iha planu.
Biblia hatete: ‘Ema nia prezenti loke oportunidade ba nia, no lori nia ba ema boot nia oin.’(Proverbiu 18:16) o nia talentu dalaruma sei lori o hodi sai chave atensaun ema nian, maibe o tenke responde pergunta ‘O nia planu saida? Planu sei foti o nia mehi no talentu I fo suporta ba sira hodi lori estrutura iha konseitu. Implika kompromete ho orsamento; Signifika, servisu konstantemente ba objetivu espesifiko no detalhes.
Jose fo ba Farao planu ida nebee espesifiku ho linha ida temporal: tinan 7 (hitu). Nia dehan ba Farao: “aihan sira nee tenke iha reserve metin ba nasaun, atu nunee bele uja ba iha rai hamlaha durante tinan hitu nia laran.” (Hahu 41:36) Tan nee, tuir mai mak buat sira nebee o presija halo: Hakerek o nia planu, inklui mos asaun espesifiko no tempu sira nebee o sei kumpri. Serake Nai Maromak fo bensaun ba o nia planu? Loos, maibe o tenke iha planu nebee loos iha fatin nebee loos molok Nai fo bensaun ba o. [HG]
Hahan Espiritual: Deuteronomia 9:13-29, Lukas 4:1-13.