Hau nia domin ba o nunka sei nakdoko’ (Isaias 54:10)

Depois ke devorsiu, nia oan feto klosan komesa sai rebelde. Ida nee komesa akontese bainhira iha kalan ida, Polisia telephone hodi husu atu nia ba iha stadium hodi foti ninia oan feto, polisia sira kaer nia oan feto ida nee tamba nia lori kareta ho kondisaun lanu. Laiha liafuan ida nebee sira koalia ba malu too fali loron seluk tuir mai, bainhira inan ida nee hakotu hodi remata nia trauma no fo ba nia oan feto prezenti ida ho kalma. Labarik feto nee loke ninia prezenti no nia hetan fatuk kiik oan ida, depois nia konfuzaun no husu ba nia inan, “saida mak nee? Nia inan hatan, ida nee mak ninia kartaun. Nia simu kartaun husi nia inan, no bainhira nia komesa lee, nia matan nabilan. Depois nia hader, lao haleu sala nee, no hakoak nia inan. Iha kartaun, hakerek liafuan hirak nee: Fatuk ida nee tuir lolos tuan liu ona tinan rihun rua no ida nee mak tempu hirak nebee presija molok hau rende (mengalah) ba o!

Multiplika istoria ida nee ba dala atus no o sei hetan ideia konaba oina Maromak hadomi o too ohin loron! Rona didiak, “Mezmu rai nakdoko no foho sira sai husi fatin, maibe Hau nia domin sei la sai husi o, no hau nia promesa dame nian sei la sees husi o”, ida nee mak Maromak domin nain nia liafuan.” (Isaias 54:10)

Buat nebee o halo tiha ona sei la hakanek Nia tamba Nia hatene saida mak o sei simu bainhira Nia bolu o. No Nai hatene mos buat seluk – no Nia mos hatene saida mk o sei hetan no halo bainhira Nia domin no Nia grasa halo ona servisu iha o nia moris. Tan ida nee mak rajaun hodi Nai Maromak nunka desiste ba o. Tamba saida mak o la mai ba Nia agora? [HG]

Hahan Espiritual: Numerus 32:25-33:56, Markus 8:1-13, Salmu 44:17-26, Proverbiu 11:12-13.