‘Hanoin bebeik konaba buat nebee loos, ho buat nebee iha valor.’ (Filipe 4:8)

Ita hotu presija ‘adaptasaun ba hahalok’ husi tempo ba tempu. Ida nee importante atu ita bele mantein atitude iha situasaun nebee la diak. La importa saida deit mak akontese iha o nia moris, nafatin hodi halo buat nebee loos, kuidadu ita nia attitude. No mos, desidi antes hodi kuidadu ita nia maneira hodi hanoin positive iha situasaun negative nebee mosu. Bainhira ita halo ida nee mak sai hanesan desijaun nebee ita foti iha situasaun diak, entau iha situasaun difisil mosu, ita sei hamriik metin no pronto hela hodi hasoru situasaun ida nee.

Apostolu Paulo hakerek nunee: ‘Hanoin bebeik konaba buat nebee loos, ho buat nebee iha valor. Hanoin konaba buat diak nebee halo haksolok Maromak nia laran ho buat furak nebee fo ksolok ba ema. Saida deit mak diak loos no saida deit mak ita bele gava, nee mak imi tenke hanoin. Halo tuir buat nebee imi aprende ona husi hau, liu husi hau nia koalia ka hau nia hahalok. Bain hira imi halo nuee mak Nai Maromak sei akompanha imi, I fo laran hakmatek ba imi.’ (Filipi 4:8-9) Hakerek nain no kompositor historiku konhesidu balun kria sira nia historia iha momentu nebee aat liu iha sira nia moris. Simfone konhesidu liu Beethoven hakerek iha tempu nebee nia besik tilun diuk no hasoru tristeza ida nebee boot. Falha boot ida nebee o bele hlo mak hanoin katak, hau sei la konsege hanesan ema nebaa. “se bain hira o hanoin hanesan nee, o sei lakon molok o koko.” Mantein nafatin hahalok nebee loos  fasil liu duke hetan fila fali hahalok nebee loos. Tan nee, bain hira o sente o komesa hanoin buat nebee negative, lalais hodi fila fali ba dalan nebee loos.

Biblia hateten, ‘luta hasoru diabu, no nia sei halai husi o.’ (Tiago 4:7) iha momentu nebee inimigo komesa haruka hanoin nebee negative mai ba o nia hnoin, hapara sira iha dalan klaran. Halo disiplina ba o nia aan hodi hamriik metin ho hanoin nebee positive iha situasaun hotu. Bainhira o halo nunee, ‘Maromak, nebee mak fo dame ba o, sei hamutuk ho o.’ [Hg]

Hahan spiritual: Jonas 1-4, Markus 8:27-38, Salmu 62, Proverbiu 11:15