Mate isin namlele iha mota Gangga iha Uttar Pradesh, India Terca (11/5)
Autoridade iha India, Terca-Feira loron 11 Maiu 2021, hatete, sedauk deskobre kausa husi ema rihun nebee sira nia mate isin hetan iha mota Gangga.
Autoridade husi Estadu Bihar hatete katak mate isin 71 hetan iha Segunda-Feira, enkuanto Autoridade visinho husi Uttar Pradesh, fo sai katak hetan ona mate isin mais ou menus 100, balun hetan iha loron Terca.
Imazen husi isin mate nebee namlele iha mota provoka hirus no espekulasaun katak sira mate tamba Covid-19, nebee mosu iha Nasaun hotu husi Asia Sul nian ho velosidade aas liu fali fatin seluk iha mundu.
Medicos Espesialista balun tauk tamba Corona Virus bele espalha iha bee mota nebee kontamina ona. Autoridade balun halao Autopsia, maibe sedauk bele konfirma kausa husi mate sira nee tamba mate isin dodok ona.
India, tuir Universidade Johns Hopkins, iha Terca-Feira resista kazu foun kuase mil 330.000 no rihun 3.867 mate sira nebee relasiona ho Virus Corona. India iha posisaun daruak koanba kazu nebee konfirmadu ho numeru barak liu iha mundu,kuase milhoes 23 kazus, I numeru mortal nian aas datoluk kuaze besik mil 250.000, mezmu Espesialistas sira hatete numeru nebee lolos maibe kuase loos maka makaas liu.
Ministerio Extrangeiro husi India iha Terca-Feira hatete, kazu nebee aumenta halo Primeiru Ministro Narendra Modi kansela nia viagem ba Gra-Bretanha hodi Partisipa KTT G7 iha fulan oin.
Modi tuir los hetan ona kritika tamba permiti reuniaun boot festival religiosos nian I halo kampanha eleitoral boot durante fulan rua ikus nee mezmu infeksaun aumenta makaas liu. (HG)