‘Nia muda tinan no tempu; Nia mak hasai liurai no hasae liurai, Nia haraik matenek ba ema matenek no kompriensaun ba ema nebee iha kompriensaun;’ (Daniel 2:21)
Persebe katak situasaun difisil sei la dura too tempu naruk. Hanesan mos Nai Maromak halo estasaun manas depois tuir estasaun malirin, Nia troka tempu no estasaun. Nia fo matenek. ‘Tempu difisil ohin loron nian sei remata. Bain hira ida nee akontese, o sei hetan matenek hodi hahu o nia future ida nebee diak liu. Dala ruma, o nia susesu mai husi o nia situasaun nebee difisil.
Apostolu Paulos hakerek, ‘Terus nebee ami hetan agora dadauk hanesan buat kamaan ida nebee la kleur sei hotu. Liu husi terus nee, aban bainrua ami sei moris iha naroman lalehan nian too tinan ba tinan. Kompara ho ida nee, ami nia terus agora nee buat kiik ida.’ (2Koristus 4:17) Situasaun defisil sei la dura, maibe ema asuwain metin nafatin! Liu husi provasaun nebee boot mai o nia sasin nebee furak. Labele foti desijaun boot iha tempu susar. Hanoin no sentiment sempre lalos bainhira iha situasaun krize nia laran; iha momentu sira nee mak tempu nebee o presija matan moris hodi foti desijaun ruma. Hakmatek nafatin, disiplina aan no focus ba saida mak o atu halo, no fiar ba Maromak hodi tau liman ba saida mak o hakarak atu halo. So deit Pilotu bulak mak bele kausa asidente ba Aviaun hodi hakotu ema barak nia destinu molok too iha nia objetivu. Desijaun nebee sala sei taka dalan no hapara o hodi atinji buat nebee o hakarak.
Husik o nia emosaun tuun molok o foti desijaun ruma nebee sala. Karik dalaruma o labele iha eskolha ida nee, maibe barak liu tan o demora hodi foti desijaun importante too situasaun defisil nee liu. Hanesan mos anin nebee huu ba mai iha tempu anin boot, o nia hanoin dala ruma sai fuik no paniku, no ida nee laos tempu diak hodi foti desijaun importante. Saida mak o tenke halo? Apostolu Paulo hatan: ‘labele preokupa konaba saida deit. Maibe iha situasaun saida deit, halo orasaun husu Nai Maromak nia tulun. I bainhira imi husu, keta haluha fo agradese ba Nai. Bainhira imi halo nunee mak Maromak sei halo imi nia laran hakmatek. Hakmatek nebee Nia fo nee, ita ema sukat la too. Ho hakmatek nee, Maromak sei kuidadu imi nia neon ho laran para la bele preokupa ona, tamba imi Kristu Jesus nia ema.’ (Filipi 4:6-7) [HG]
Hahan Spiritual: Titus 1-3, Markus 9:1-13, Salmu 150, Proverbiu 11:16-18