Ilustrasaun (AFP/Mahmud Hams).
Jakarta, CNN Indonesia – Autoridade Hamas balun, inklui sira nia komandante militar iha Gaza, mate tamba ataka aero Israel (serangan udara), iha loron Kuarta-feira (12/5/21).
Tuir informasaun nebe cita husi AFP, Hamas fo konfirmasaun katak sira nia lideransa militar iha Gaza, Bassem Issa, mate iha kampu batalhaun.
Aleinde ne’e, agensia seguransa internal Israel, Shin Bet, mos relata katak sira nia ataka aero ne’e hamate autoridade Hamas nain ha’at sira seluk, inklui Jumaa Tahle.
Tahle sai hanesan chefe komandante siber Hamas nebe mos responsabiliza fogutes (roket) nebe atu tiru sai.
- Aleinde ne’e, chefe peskiza Hamas, Jamal Zibde, no sira nia chefe tekniku produsaun, Hazem Hatib, mos mate tamba ataka aero Israel.
Iha parte seluk mos, militar Israel mos relata katak sira nia membru ida, Omer Tabib, mate mos tamba hetan tiru husi rudal anti-tanque nebe tiru husi parte Gaza iha Kuarta-feira.
Hamas sei kontinua tiru roket ba area Israel. Desde Segunda liu ba, Hamas no nia grupu sira seluk iha Gaza tiru ona roket 1.000 ba Israel nia fatin.
Sira afirma katak roket sira nebe sira halo hanesan assaun vingansa ba ataka aero Israel nebe sobu edifisiu sira iha Gaza.
Atmosfera iha área refere sai manas desde hahu Ramadan tamba Israel taka assesu ba Masjid Al-Aqsa.
Situasaun aumenta manas iha semana ida ne’e, bainhira sidadaun Israel hakarak tama ba komplexu Masjid Al-Aqsa hodi komemora anexasaun Jerusalem iha Guerra loron Ne’en iha tinan 1967. Anexasaun ne’e la rekonhese husi komunidade internasional. (MF)