Ilustrasaun. (iStockphoto/koto_feja)
Jakarta, CNN Indonesia – total vitima mate no kanek impaktu husi tornado rua, nebe akontese iha Wuhan no Jiangsu, China, iha Sexta-feira (14/5/21) kalan kontinua aumenta. Pelo menus ema nain hitu mate no 200 seluk kanek tamba tornado rua refere.
Relata husi AP, governu sidade Wuhan hateten ema nain 6 mate no 218 kanek kauza husi tornado. Iha parte seluk, média lokal informa katak ema ida mate no 21 kanek iha Jiangsu.
Anin tornado ida ne’e mos sobu instalasaun eletrisidade no estraga edifisiu balun iha sidade Shengze.
Aleinde ne’e mos, tornado akontese iha Distritu Caidian, Wuhan, maiz ou menuz tuku 20.39 oras lokal. Relata katak ema nain 6 lakon, no 41 halao hela tratamentu iha ospital kauza husi tornado refere.
Agensia notisia Xinhua informa katak, laiha ema ida husi ema sira nebe tratadu hela ospital ne’e iha kondisaun grave. Governo Wuhan hateten, tornado halo aihun sira tohar no destrui mos konstrusaun balun. (MF)