Ministru Obras Publika Salvador Pires. (foto: Andre Gusmão/Ravoz.)
Ministru Obras Publiku Salvador Pires Segunda (17/5/21) semana ne’e atualiza ba Primeiru Ministru Jeneral Taur Matan Ruak kona ba planu implementasaun rekonstrusaun hikas infraestruturas sira nebe a’at tamba dezastre naturais iha loron 4 de abril liu ba.
Entre infraestruturas a’at barak, tama iha prioridades hadia uluk fasilidades infraestruras iha fatin 8 maka ponte Ailok Laran, estrada Maloa, ponte Biddau, estrada iha edifisio CPLP oin, estrada iha Tibar, ponte Bidau hospital nasional kotuk no estrada iha Tibar.
Aleinde ne halo dezenho rekonstrusaun ba infraestrutura sira seluk nebe tama iha prioridades tenke hadia uluk. Enkuatu restu infraestruturas a’at sira seluk sei iha prosesu verifikasaun atu prosesa ba implementasaun rekonstrusaun hikas. Infraestruras iha fatin 8 difinidu ba prioridades implementasaun ne’e sei tolan volume orsamentu liu milhaun 4 dollares Americano.
Ba infraestruturas a’at barak iha munisipiu sira, ministru esplika, iha ona ekipa tarefas 3 orientadu ba fatin sira iha rejiaun tolu iha areas munisipiu sira nebe atinjidu estragus husi dezastre naturais atu foti dadus kuantifikasaun hodi inklui iha planefikasaun ba rekonstrusaun. (AG)