‘Nia fo buat hotu nebee diak ba sira nebee lao ho fuan loos’ (Salmu 84:11)

Saida mak o fiar konaba Maromak no o nia osan sei determina oinsa o orasaun no saida mak o fiar konaba nia. O dehan, ‘Maibe osan mak abut ba hahalok aat hotu. ‘lae, Biblia hatete; Hadomi ba Osan mak abut ba hahalok aat hotu.’ (1 Timoteu 6:10) Ida ne signifika, bain hira o karakten, Maromak sei la fo bensaun barak ba o.

‘Maibe, sera ke iha Evangelista barak uja Biblia hodi halo riku nia aan? O husu nunee. Los duni- no o sei la hakarak hodi hamriik iha sira nia sepatu bain hira sira hataan ba Maromak! Maibe labele ‘soe bebe sai ho nia bee hariis nian.’ Maneira nebee diak hodi edentifika osan tahan atus 100 nee falsu kalae liu husi rai nia besik ida nebee original.

Tan nee, ida nee mak perguntas sira: sera ke o buka razaun oi-oin hodi duvida ba Maromak nia promesa, ou razaun hodi fiar ba Nia? Biblia hatete, ‘la iha buat diak ida mak Nia kaer metin husi ema sira nebee mak lao iha dalan loos.’ (Salmu 84:11) Ita hotu konkorda katak sustenta ita nia familia, hetan pozisaun aas, eduka oan sira, no sustenta nesesidade ema seluk nian, sira hotu nee mak ‘Buat nebee diak.

Nunee, bain hira o ‘halo buat nebee loos’ iha Maromak nia futar oin, o espera katak Maromak sei fo bensaun o- dala ruma buat sira nee sempre la tuir saida mak ita espera. Joao hakerek, ‘Gaio mak hau hadomi, hau harohan ba Maromak atu buat hotu lao ho diak; hau husu para o nia isin forti nafatin no mos o nia moris esperitual.’ (3 Joaun 1:2).

So deit bain hira ita hare ita nia oan sira iha ona maturidade no hatudu ona  responsabilidade, hafoin ita bele tau fiar ba sira hodi fo chave karetia nia, los kalae? Tan nee maturidade importante liu moris nakonu ho abundansia. Bain hira o hatudu o nia maturidade/tasak, hafoin o bele ba too iha Maromak ho fiar aan, hatene katak Nia sei hatoo o nia presija tomakno fo bensaun ba o. Maibe buat nebee hamosu pergunta mak: Sera ke o buras no Maturidade/tasak iha moris spiritual ona? [HG]

Hahan spiritual: Hebreu 9:1-11:16, Markus 9:38-50, Salmu 75, Proverbiu 11:23