Ilustrasaun. (iStockphoto/mihalec).
Jakarta, CNN Indonesia – Organizasaun Saúde Mundial (WHO) fo hanoin katak, ema sira nebe hetan ona vasinasaun, nafatin tenki uza masker.
“ Vasinasaun bele salva vida, maibe, se vasina funsiona mesak deit, ne’e la sufisiente, “deklara WHO liu husi e-mail ba AFP, Sexta-feira (14/5).
AFP husu deklarasaun WHO hafoin Estados Unidos fo lisensa nia sidadaun nebe hetan ona vasinasaun hodi la uza masker bainhira halao atividades iha ambiente interior.
No entanto, OMS mos la fo komentariu kona ba desijaun EUA nian refere.
Centro Controla Prevensaun Moras (CDC) EUA foti desijaun ne’e depois que dados hatudu efikasia a’as vasina nebe uza iha EUA. Bazeia ba peskiza, ema nebe hetan ona vasinasaun difisil oituan atu hetan tan infeksaun.
Maske, iha balun nebe kona Covid-19 depois hetan vasina, potensial pasiente atu hadaet virus ba ema seluk ne’e kiik liu.
Aleinde ne’e mos, 60% populasaun adultu iha EUA mos tuir ona programa vasinasaun, tantu ida foun injeksaun dala ida ne no ida kompletu ne’e.
Aumenta kazu foun Covid-19 iha EUA mos ladun a’as hanesan tinan kotuk, nebe infeksaun kuaze kada loron rihun 38. Se foti total ho numeru populasaun tomak iha EUA, so iha kazu 11 foun entre ema rihun 100.
Cientista Chefe WHO , Soumya Swaminathan mos, hatutan tan katak vasinasaun la 100% efetivu prevene infeksaun.
“ Imi mos bele senti sintomas balun hafoin vasinasaun. Vasina deit la garantia katak imi la hetan infeksaun ona no la daet ba ema seluk, “ hateten Swaminathan.
“ por isso ita presija medidas protesaun, hanesan uza masker, manter distansia, hodi nasaun sira nebe atinji nivel a’as iha nebe maioria ema bele protejidu husi sirkulasaun virus no nia transmisaun menus teb-tebes, “dehan nia.
Konkorda ho Swaminathan, Diretor Emerjensia WHO, Michael Ryan mos hateten katak desijaun hodi la uza tan masker tenki Hanoi didiak.
Ryan mos hateten, “ até iha situasaun vasina aumenta a’as, se iha transmisaun barak, entaun labele hasai masker. (MF)