Antonio Freitas, Diretor Jeral Jestaun Rekursus Externa Ministeriu Finansas (foto: Andre Gusmão/Ravoz).

Diretor Jeral Jestaun Mobilizasaun Rekursu Externa Ministeriu Finansas Antonio Freitas iha serimonia asina akordu iha salaun auditorium edifisiu ministeriu finansas tersa semana ne’e  ba jornalista sira hateten, Ministru Finansas Rui Gomes loron ne’e reprezenta Governu Timor Leste asina akordu ajudus externa ho estadus unidus America, akordu tulun externa ba dezenvolvimentu ne’e ho total montante osan 92.3 milhaun dolares Americano husi governu Americano.

Osan ne’e sei aloka ba dezenvolvimentu hari intituisaun boa governasaun hanesan Alfandega hodi kombate korrupsaun. No ida seluk foka ba deverifikasaun ekonomiku Timor Leste ba seitor sira nebe laos minarai (non oil) hanesan agrikultura, turizmo no hari no dezenvolvimnetu no dezenvolvimentu seitor privadu sira. Akordu ho nia orsamentu ne sei hahu implementa iha fulan hirak tuir mai no sei ijisti too tinan 2024.

Antonio Freitas esplika, Akordu ne’e sei fo vantazen bo’ot ba Timor Leste tanba osan tulun externa husi guvernu America ne sei ajuda fo forsa ba orsamentu jeral Estadu Timor Leste nian liu-liu dezenvolvimentu iha seitor laos minarai (non oil). (AG)