‘Nunee imi sei hetan buat hotu nebee mak imi presiza, I liu fali imi nia presiza, para imi mos bele halo buat oi-oin ba ema seluk’ (2 Korintus 9:8)

Mai ita hahu hodi hanoin fali: Saida mak o hanoin konaba Maromak no o nia osan osan mak sei determina buat nebee o fiar kona ba nia. Se karik o nia razaun mak hakarak ‘tuir nafatin familia John nian,’ ou nafatin firme ho saida maki ha o nia hanoin rasik, labele hein katak Maromak sei fo bensaun ba o nia planu sira.

Biblia hatete, ‘Maromak rezeita ema nebee fotiaan maibe hadomi ema nebee haraikan.’ (Tiago 4:6) Ema nebee haraikan nia sei dehan nunee, Nai, buat hotu nebee hau iha mai husi Ita boot. No buat hotu nebee hau presiza mai hotu husi Nai.

Molok o husu osan barak liu husi Maromak, o tenke hatene uluk lai o nia motivu husi fuan nee diak duni. No bain hira o hatene ona, maka o sei hamriik iha eskritura sagrada ida nee: ‘Keta haluha, ema nebee kuda fini uitoan, nia sei hetan rezultadu mos uitoan. Ema nebee kuda fini barak, nia sei hetan rezultadu mos barak. Ema ida-idak tenke desidi rasik, nia atu fo hira. Labele fo ho laran todan ka ema mak obriga, tamba Maromak gosta ema nebee mak fo ho kontenti. Maromak iha kbiithodi fo bensaun oi-oin bai mi. nunee imi sei hetan hotu buat nebee maki mi presiza, I liu fali imi nia presiza, para imi mos bele halo buat diak oi-oin ba ema seluk. Nee hanesan hakerek ona iha livru Sagradu dehan, “Nia fahe buat bar-barak ba ema kiak sira, Nia hahlok diak nee iha nafatin too tinan ba tinan.” Maromak sei halo imi riku ho buat oi-oin, atu bain hira deit imi mos bele fahe ho laran luan.’ (2 Korintus 9:6-11)

Ba se mak Maromak sei fo fini? Ema nebee kuda fini- laos ema nebee esmola sasan.

Bain hira mak Maromak multiplika o nia fini? Bain hira o kuda fini tuir Maromak nia hakarak.[HG]

Hahan Espiritual: Hebreu 11:17-13:25, Markus 10:1-12, Salmu 88:1-9a, Proverbiu 11:24-26