Pasiente Covid-19 India halo tratamentu iha ai-hun okos (REUTERS/DANISH SIDDIQUI).
Jakarta, CNN Indonezia – Aldeia ida iha India obrigatoriu halo tratamentu ba pasiente Covid-19 iha ai-hun okos tamba falta fasilidade médiku.sira fiar katak ai-hun bele fo aumenta oxigeniu.
Aldeia ida iha India norte, pasiente nebe infektadu virus, toba iha kama nebe tau iha ai-hun okos, akompanha ho soru nebe tara hela iha ai-sanak, ho karau sira nebe iha sorin-sorin, enkuantu daun uzadu no aimoruk mamuk naklekar iha rai.
“Bainhira ema dada iis araska, sira tenki ba iha ai-hun okos hodi aumenta sira nia niveis oxigenio, “ hateten rezidente ida, Sanjay Singh, cita husi Reuters (17/5).
Singh nia aman mate loron hirak liu ba, tamba isin manas. Nia hateten nia aman la halo teste, no mate iha loron loron rua.
“ Ema sira mate no laiha ema ida mak tau matan ba ami, “ nia dehan.
Iha aldeia Mewla Gopal Garh, nasaun parte Uttar Pradesh, laiha médiku no fasilidade saúde.
Ospital Geral Regional , besik area neba, informa katak nakonu hotu. Sira laiha tan kama nebe disponiveis ba pasiente. Maske iha klinika privada, maibe folin tratamentu ba povu iha neb abele dehan karun liu.
Ema sira balun iha neba fiar, ba iha ai-hun okos, bele aumenta sira nia niveis oxigenio. To’o agora laiha baze cientifika hodi halo ema fiar ba metodu refere ou solusaun seluk nebe sira fo.
Ema sira iha aldeia neba, esforsu ona sira nia diak liu. To’o loron ida feto ida nebe impresta silindru oxigenio (tabun oksigen) husi sira nia vizinhu ho nebe ho kondisaun sei diak.
“Tuir lolos, seidauk iha teste Covid-19. Ami koko ona maibe sira dehan ba ami sira laiha staff naton, “ dehan ex chefe aldeia, Yogesh Talan.
Primeiru Ministru India India Narendra Modi hetan kritika tamba konsidera falha.
Semana kotuk, iha nia diskursu nia dehan katak virus corona espalha ho lalais tebes ba aldeia sira. Modi husu povu sira atu la ignora protokolu saúde.
“ Halo teste, izola an no komesa halo tratamentu, “ nia dehan.
To’o agora, tuir dadus John Hopkins University, total kazu Covid iha India atinji 25 milhaun kazu ho rihun atus 274 mortalidade. Akumulasaun numeru ne’e halo nasaun nebe lideradu husi Modi ne’e, sai segundu lugar kazu a’as, hafoin Amerika.