‘Hetan ajuda iha tempu nebee presiza’ (Hebreu 4:16)

Bain hira o iha nesesidade espiritual, fisiku, relasionamentu, ou finansial, Nai Maromak nia liafuan hatete Nia sei supri ita nia nesesidade hotu. Maibe dala barak ita la fiar ba promesa sira nee. Tan nee, Nai Jesus kondena mane riku ida nebee ignora ema kiak nebee tur iha nia portaun hodi tane liman. No Nai Maromak la muda nia pozisaun ho asuntu ida nee.

Jesus konta historia ida kona ba mane riku ida nebee okupadu liu ba nia servisu hodi halibur osan barak no la iha tempu ba Maromak. ‘Miabe Maromak dehan ba nia,: “beik teen! O sei mate ohin kalan nee kedas. No se mak hela ho buat hotu nebee o nia husi o nia servisu kole hotu nee?” loos duni, ema beik teen halibur riku soin rai ne nia maibe la halibur ninia relasionamentu ho Nai Maromak.’ (Lukas 12:20-21) No nia mos la muda ninia pozisaun ho ida nee. Nai Jesus mos duni sai ema sira nebee troka osan iha temple Maromak nian tamba sira “rakut ema sira iha nebaa.” (Markus 11:17)

Ida nee siknifika katak Maromak iha interese hodi satisfaz ita nia nesesidade spiritual, maibe laos ita nia nesesidade material? Mai ita klarifika; O nia nesesidade Espiritual nian sempre prioridade liu, maibe mai ita husik Maromak nia liafuan koalia klaru kona bai ta. Bain hira koalia konaba Maromak no o nia Osan, Jesus hatete: ‘Labele preokupa ho buat sira nee, Nia dehan; “Saida maki ta sei han? Saida maki da sei hemu? Saida maki ta sei hatais?” buat sira nee domina ema sira nebee la fiar, maibe o nia Aman iha Lalehan hatene o nia presiza hotu. Buka uluk Maromak nia reinu no Nia justisa, no Nia sei fo ba o buat hotu nebee o presiza.’ (Mateus 6:31-33)

Anota liafuan ‘hotu. Bain hira iha dalan loos ho Maromak, o bele halo orasaun ho konfiansa, I husu ba Nia hodi fo bensaun ba o iha buat hotu! [HG]

Hahan Espiritual: 1 Reis 1-2, Markus 10:13-22, Salmu 88:9b-18, Proverbiu 11:27-29.