Prezidente da Republila Demokratika Timor Leste DR. Francisco Guterres Lu-Olo.
Prezidente da Republila Demokratika Timor Leste DR. Francisco Guterres Lu-Olo iha Palasiu Prezidenti Nicolau Lobato Kinta semana ne’e hato’o nia mensajem ba nasaun iha ambitu selebrasaun loron ukun rasik an ba dala 19, konvida povu Timor oan tomak halo refleksaun kona ba perkursu no dalan saida maka halo ona nudar povu no nudar nasaun ida.
Povu Timor oan sira hetan ukun rasik an liu husi terus bo’ot no mate barak durante tempu funu tinan 24.
Situasaun iha funu laran obriga povu Timor oan sira adapta lalais realidade no konsege organiza an ho meius nebe iha hasoru no hakat liu terus hotu nebe nakonu no terus no mate to’o konquista ukun rasik an.
Ohin loron povu Timor oan hotu hasoru dala ida tan dezafiu bot ida Covid-19 nebe lori inserteza no terus barak. Pandemia Covid-19 afeta mundu tomak no da’et lalais hosi ema ba ema no husi ema ba ema.
Too ohin loron virus corona da’et ona ema tokon atus 100.060.000 no hamate ona ema liu tokon 3.000.000 iha mundu.
Timor Leste too ohin loron tama ona iha kategoria transmisaun covid-19 komunitaria, ho numeru pozitivu covid-19 too ona ho total numeru rihun 4.949.
Numeru Kazu ativu too iha loron 19/5/2021 atinji ona ema nain rihun 2.302 ho numeru mate ema nain 11.
Prezidenti Lu-Olo husu ba povu atu korienti katak, covid-19 sei lalakon iha tempu badak.
Tanba ne povu Timor tomak tenke aprende no adapta lalais moris ho situasaun ida ne’e.
Ita mos labele haluhan dezastre naturais ho inundasaun bot nebe akontese iha loron 4 se Abril liu ba nebe rezulta ema mate no lakon nain 41 no komunidade barak lakon sira nia uma no sasan.
Povu Timor oan sira iha ona experiensia iha funu ulun rasik an, uza meius hotu hodi manan funu no konquista ukun rasik an nebe ohin loron 20 de Maiu ita selebra.
Ohin ita tenke hateke ba situasaun nebe ita hasoru no halo refleksaun klean kona ba ita nia nasaun nebe ita hari daudaun.
Dezafius hotu inklui corona virus covid-19 nebe ita hasoru labele satan povu Timor oan sira hodi lori nafatin eroi no eroina sira nia mehi hari sosiedade ida nebe livre, demokratika, justa no moris diak ho haksolok.
Tempu agora no ba oin sei iha nafatin dezafius nebe sei dezafia ita nia kapasidade hanoin no halo ho diak !
Seilaiha milagre, maibe hamutuk ita bele hadia no haburas. (AG)