Ilustrasaun vasina Covid-19. (AP/Lewis Joly).
Jakarta, CNN Indonezia – Arábia Saudita obrigatoriu vasinasaun Covid-19 ba sidadaun sira nebe hakarak uza transporte publiku. Regra ne’e hahu aplika dia 1 Agustu oin mai.
Aleinde transporte públiku, vasinasaun ne’e mos obrigatoriu ba sira nebe atu tama edifisiu governu no privadu.
Politika ne’e kria hodi insentiva kampanha vasinasaun iha reinu nia laran.
Antes ne’e parte autoridade Saudita hateten, trabalhadores setor publiku no privadu so bele tama servisu bainhira hetan ona vasina.
“Vasinasaun obrigatoriu ba sira nebe hakarak tama iha agensia governo ou privadu, inklui assesu ba fatin pasiar no atividade desportivas, “ Afirma Ministeriu Interior Saudita, Tersa (18/5) cita husi AFP.
“No mos obrigatoriu atu tama iha instituisaun ensino no uza transporte públiku.”
Ministeriu Saúde Arábia Saudita hateten liu milhaun 12 dozes vasina entrega ona ba nasaun nebe ho populasaun nebe liu milhaun 34 ne’e.
Arábia rasik iha kazu infeksaun liu rihun 435 no rihun 7.000 mak mate.
Governu Saudita mos fo lisensa ba nia sidadaun nebe hetan ona vasina hodi viajem ba rai liur. Tinan ida liu nasaun ne’e bandu nia sidadaun hodi halo viajem tamba pandemia virus corona.
Iha kategoria tolu ema nebe bele viajem so ema nebe simu ona vasina dozes rua, sira nebe simu dozes ida pelu menus loron 14 antes viajem, no ida nebe rekupera ona husi infeksaun durante fulan neem, Arábia Saudita anunsiu so fo lisensa ba kongregasaun nebe vasina ona mak bele realiza umrah. (MF)