Ministru Obras Publiku Salvador Pires. (foto fontes google).
Ministru Obras Publiku Salvador Pires, iha reuniaun estrutura Ministeriu Obras publiku iha salaun konferensia hotel Novo Turizmo Sexta semana ne’e hateten ba diretores sira katak, Ministeriu Obras Publiku tenki halo reforma ba estruturas kargo xefias diretores sira tanba servisu barak durante ne’e la lao diak. Mudansas estruturais iha Ministeriu Obras Publiku tinan ne’e hamosu diresaun jeral foun 1 ho naran diresaun jeral planeamentu urbana ho nia estrutura diresaun nasional 3, no troka diretor nain 4, aleinde redus departementu 3 hosi diresaun nasional ponte no kontrolu be sa’e husi departementu 6 anterior nebe ejisti, tuir lei organiku haruka. Ministeriu obras publiku mos halo mudansas estruturais ba diresaun nasional estrada kontrolu be sa’e ka inundasaun no mudansas ba diresaun jeral administrasaun finansas.
Iha reuniaun ho materia nebe foka ba avaliasaun servisu no reforma estruturais ne’e Ministru Salvador husu ba diretores sira tenke hatudu kualidade servisu, no alerta sei expulsa diretores sira nebe laiha kualidade servisu. (AG)