Aviaun ida iha Aerportu Zhukovsky, Rejiaun Moscou, Rússia, tula assistensia médiku, hodi infrenta surtu Covid-19 iha India, 28 Abril 2021. Foto: Ministério de Emergências Rússia, / Handout via REUTERS).
Aviaun Rússia nebe lori assistensia médiku tonelada 10 ba kapital India, New Delhi, Tersa dader (25/5). Pakote sira ne’e iha aimoruk anti Covid-19.
“ Apoio ne’e baizeia ba vontade nebe extraordinariu, iha konfiansa no nivel a’as husi parseria stratejia Rússia-India, “hateten Vice-Prezidente Missaun Rússia iha India, Roman Babushkin.
India no Rússia mos halo parseria iha produsaun vasina Sputnik V no nia produsaun hahu ona iha Panacea Biotec, empreza farmasia famozu iha nasaun ne’e.
Fulan kotuk, Rússia mos haruka suprimentus médikus ba India hodi ajuda nasaun neba, hodi ajuda rezolve segundu onda pandemia virus corona. Aviaun rua nebe hetan operador husi EMERCOM Rússia haruka ajuda produsaun oxigeniu tonelada 22 nebe kompostu husi unidade 20, ventilador 75 no pakote aimoruk 200.000. tuir deklarasaun nebe hasai husi Embaixador Rússia ba India, Nikolay R. Kudashev.
“ Rússia akompanha hela situasaun iha India, nebe sai pior no halo ema hotu preokupa tamba transmissaun infeksaun virus corona nebe molok ne’e seidauk akontese. Ami ho sinseru empatia ba ema India sira tamba ami nia relasionamentu nebe diak no amizade desde uluk, “Hateten Kudashev.
India infrenta menus oxigeniu médiku no aimoruk sira. Sira simu ajuda Covid iha fulan kotuk liu ba kuaze nasaun 45. (MF)
https://www.voaindonesia.com/a/india-terima-bantuan-covid-19-dari-rusia/5903452.html