‘O koalia ho vizaun.’ (Salmu 89:19)
Salmista dehan: ‘O koalia ho vizaun, ba O nia ema nebee fiel sira dehan… “Hau hetan ona David, Hau nia atan, Hau fui ona Hau nia mina santu ba Nia.” (Salmu 89:19-21). Vizaun nebee boot sempre ba uluk no (mai molok) susesu. No Maromak mak sei fo vizaun nebee boot – nunee husu ba Nia.
Vizaun fo moris ba objektivu; no ida nee halo nakonu ho ahi iha laran, no muda o ba oin mesmu iha dezafiu no obstakulu oioin. Atu responsavel ba liafuan vizaun’, o tenki komprende buat sira nee:
- Vizaun mai husi Nai Maromak. Nia hatene o nia kapasidade no saida mak nia fo tiha ona ba o atu halo. Sera-ke o hare liu fali o nia aan, no mos o nia tempu moris nian bainhira o buka o nia vizaun? Se karik nunee, o sei lakon potensial nebee Maromak fo, no buat nebee diak liu ba o. se karik, depois o buka Maromak ba vizaun ida, maibe o seidauk konsege hetan, halo balansu hodi buka parseiru nebee mak nia vizaun hanesan ho o.
- Vizaun baziea ba o nia istoria. Vizaun la mai husi hanoin nebee mamuk. Vizaun mai husi o nia esperiensia iha pasadu, no istoria konaba ema sira iha o nia sorin.
- Vizaun halo kompletu ema seluk nia presija. Vizaun nebee Nai Maromak fo liu fali buat nebee ema bele atinji. Inklui mos sai bensaun ba ema seluk. Se karik o nia vizaun la hanesan nee, ida nee kiik liu.
- Vizaun atrai informasaun. Hanesan maknetika, nia atrai dezafiu no unidade. No tau hamutuk finansas no fundus sira seluk. Kuantu mais o nia vizaun boot, sei atrai ema fiar nain barak. Kuantu mais o dezafia o nia vizaun, sei difikulta partisipante sira hodi atinji.[HR]
Hahan spiritual: 1Reis 14-15, Markus 12:1-12, Salmu 101, Proverbio 12:12-13
English
Indonesian
Portuguese