Ema sira forma hela hodi hein halo teste Covid-19 iha Melbourne Kuarta, 26 Maio 2021. (Foto: James Ross/AAP Image via Reuters).
Surtu virus corona iha sidade bo’ot segundu iha Australia, Melbourne, aumenta sai kazu 15 iha Kuarta-feira (26/5).
Primeiro Ministru James Merlino hateten ba jornalista sira hotu katak kazu hotu-hotu to’o agora ligadu, maibe parte autoridade preokupa ba numeru no fatin expozisaun iha sidade. Nia hateten 24 oras ba oin importante teb-tebes hodi determina seraque nasaun ne’e sei kontinua halo konfinamentu ou lae.
Iha Tersa-feira (25/5), Merlino anunsiu katak masker tenki nafatin uza iha uma laran, bainhira reauniaun iha uma tenki limita ema nain 5 no bainhira hasoru malu iha liur mos limita nain 30 iha rejiaun Melbourne tomak.
Konfinamentu sei validu to’o loron 4 fulan Junhu.
Kazu sira ne’e relasaun ho viajante nebe fila husi Melbourne. Nia kona virus ne’e iha otél karantina iha Australia Sul, iha inisiu fulan ne’e. (MF)