Ema sira halo teste Covid gratuita iha Shah Alam, Kuala Lumpur, 27 Maio 2021 (Foto: Mohd RASFAN / AFP) .
Ministériu Saúde Malásia buka médiku voluntariu hodi hamenus todan servisu linha frente (linha oin), enkuantu kazu foun Covid-19 nebe aumenta besik rihun 8.000 iha loron Kinta (26/5).
Diretor Jeral Saúde Noor Hisham Abdullah relata 7.857 infeksaun foun, rejistu diariu foun nebe halo total kazu iha nasaun ne’eba atinji 541.224.
Ida ne’e akontese loron tolu tutuir malu, iha nebe kazu diariu sae liu 7.000. Total mortalidade mos sae liu 2.300.
Ministériu Saúde divulga karta iha média social, Kinta (27/5/21) dader, konvokadu médikus, dentistas, enfermeiru no tekniku atu bele voluntariu hodi servi atu bele kombate pendemia refere.
Maske voluntariadu sira sei la hetan salariu, Noor Hisham hateten katak sira presija tebes hodi halo kmaan profissionais saúde nia servisu iha nasaun hot-hotu.
Kazu diariu iha Malásia sae lalais liu hafoin selebrasaun Idulfitri, maske situasaun blokeadu durante fulan ida to’o loron 7 Junhu, no autoridades sira alerta atu kontinua aumenta.
Malásia aumenta lockdown no aumenta programa vasinasaun. (MF)