‘Bainhira imi hasoru provasaun oi-oin, haksolok deit ba’ (Tiago 1:2)
Bainhira difikuldade mai iha ita nia moris no ita nia relasionamento, hakarak ka lakoi, ida nee mak dalan ida nebee fasil liu halo ita desiste lalais. Primeiru, ita lakon haksolok ho situasaun ruma ou relasionamentu ruma. Depois, provasaun mos mai, ita sidi tamba laran susar no la iha esperansa ba situasaun nee sei sai diak kalae. Too ikus, ita desidi hodi fiar katak buat sira nee sei la sai diak, ita mout iha tahu dodok nia lasu, mak desiste.
Ita sente la iha forsa no lakon esperansa, no la hatene oinsa mak konsege hare dalan ho didiak. Matenek nain sira dehan katak ita nia moris ida nee hanesan marathon, ita sente hanesan nani hela iha oceano gel nia okos. Dala barak ita la konsege komprende sirkunstansia moris nian, fo limite ba espektativa katak Maromak bele halo buat hotu. Hanoin katak so iha resultadu ida deit nebee ita hakarak! Alem de ida nee, ita presija laran metin ba ita nia Aman iha Lalehan tamba nia iha planu nebee boot no furak. Ita presiza koko hodi hare Nia servisu iha provasaun hotu nebee mai iha ita nia dalan. Hanoin didiak, Maromak nia espektativas boot liu ita nian, no so ita nia Aman selestial I nia objetivu hotu, la importa moras oinsa deit, importante mak ita nia klamar bele haksolok.
Tiago hakerek nunee: ‘Maun alin sira, bain hira imi hasoru provasaun oi-oin, haksolok deit ba. Tamba imi hatene katak, se imi aguenta iha terus no tentasaun nia laran, I laran metin nafatin ba Maromak, maka imi sei kontinua liu tan. Imi tenke kontinua metin nafatin too imi sai diak, la iha frakeza ida, I pronto atu hasoru saida deit.’ (Tiago 1:2-4)
Nafatin rai didiak lia loos nee iha o nia neon loron ida nee, no o sei la desiste. [HG]
Hahan Espiritual: 1 Reis 18:16-20:43, Markus 12:28-44, Salmu 113, Proverbiu 12:15-17