Prezidenti Konselu Imprenza Timor Leste Virgílio da Silva Guterres liu konferensia imprenza iha salaun konferensia edifisiu Konselu Imprenza Sesta semana ne’e deklara, Konselu Imprenza preokupa ho futuru Radio Televizaun Timor Leste nia existensia, no konsidera existensia RTTL ba futuru sei la estavel tanba nomeiasaun lideransa prezidenti konselu admistratrasaun Radio Televisaun Timor Leste mai ho baze nomeiasaun polítiku partidaria husi governu.
Konselu Imprenza mos eskeptis prezidenti konselu administrativu RTTL atual Jose Belo bele kontinua too nia mandatu tinan 4, tanba hanesan esperiensia nebe lao duranti ne’e hatudu, kada governu foun mai sempre troka lideransa máximu RTTL no nomeiasaun mai husi partidu nebe kaer ukun. Nune’e iha governu dala sia tuir mai tinan rua tan karik sei troka fali lideransa RTTL.
Durante sei hanesan ne’e nafatin, maka nomeiasaun lideransa RTTL sei la bazeia ba kompetensia manejerial no kapasidade jestaun atu hadia perkursu RTTL. Atu bele fo prestasaun servisu profisional ba públiku.
Radio Televizaun ninia knaar nudar interese públiku, sai assuntu resonansia públiku nebe Konselu Imprenza tenke koalia sai ho klaru, lolóos no momós ba públiku tamba públiku mos nota momós hela. Konselu Imprenza assumi kompetensia legal hodi tau matan no supreviziona funsionamentu Radio Tevizaun Timor Leste no Tatoli hanesan orgaun informativu nebe independenti públiku nian. (AG)