‘Sira husik tia ita, nee hatudu katak sira nee la halo parte ho ita’ (1 João 2:19)
Kada relasionamentu iha o nia moris mak sempre iha nia razaun no situasaun. Maibe o nia komitmentu ho o nia familia, ida nee ba o nia moris tomak; Relasionamento seluk dala ruma iha limitasaun ba tempu naruk. Tan nee, iha momento nebee belun ida ba dook, labele husu sira atu hela hamutuk ho o, hadomi o, telephone ba o, preokupa ba o, visita o, ou sempre besik aan ba o. O nia destinu laos kesi metin ho sira nebee husik hela o.
John hakerek: ‘Sira ba husik hela ita, maibe sira laos husi ita; se karik sira iha husi ita, sira sei nafatin kontinua ho ita: maibe sira ba, hodi sai klaru katak sira hotu laos ita nian.’ Ema sira husik hela ita tamba sira la halo parte iha ita nia moris. Se bain hira sira la envolve iha ita nia leet, labele koko hodi kaer metin sira atu hamutuk ho ita. Ida nee laos siknifika katak sira ema aat; ida nee siknifika katak, sira la halo parte ona iha ita nia istoria, sira nia istoria remata ona.
O presiza hatene bain hira loos mak relasionamento ida nee remata, no fo agradese I dehan adeus bain hira o hatene katak relasionamento hotu nebee o hakarak, Maromak prepara ba o. Para hodi husiK sira atu hela. Kaer metin nafatin relasionamento nebee la iha ona, ida nee sei hakanek o nia fuan.
Depois ke Lot husik hela Abraun, Abraun simu bensaun Maromak iha fase foun. Orpa husik hela Naomi hodi ba Moab, maibe Ruth nafatin hela hamutuk ho Naumi, I sira nain rua simu bensaun husi Maromak. O presiza hatene, se mak bele hola parte iha o nia moris, no se mak lae. Se o kaer metin ema nebee laos o nian, no laos destinu hodi hela iha o nia moris, liafuan ba o loron ohin nian mak- husik sira ba! [HG]
Hahan Espiritual: Exodo 16:1-35, João 6:30-40