Lider Corea Norte Kim Jong-un (Korean Central News Agency/Korea News Service via AP).
Jakarta, Indonezia – Lider Corea Norte Kim Jong-un fo ordem atu oho hotu busa no manu pombu, inklui iha área fronteira tamba fiar katak transmiti virus corona.
Autoridade Corea norte foin dadauk hasai ordem refere iha Hyesan,munisipiu Yanggang, Sinuiju, no área fronteira balun.
Sidadaun Corea Norte sira tiru manu sira nebe semo iha leten husi fronteira China, oho mos busa fuik no busa nebe ema hakiak.
Komunidade Hyesan hotu nebe hakiak busa, tenki informa katak sira nia busa mate ona, bainhira polisia halo inspeksaun ba komunidade sira nia uma.
Parte autoridade Corea Norte to’o izola no kastigu familia sira iha Hyesan tamba sei hetan hela hakiak busa.
Familia nebe kompostu husi ema nain 4 ne’e, relata katak hela iha distritu Songhu no hatama iha karantina iha 24 Maio liu ba.
“ Familia ne’e hetan sansaun loron 20 iha izolamentu tamba ilegalmente hakiak busa hafoin governu bandu iha área fronteira (China-Corea), “ hateten fontes ofisial iha provinsia Yanggang ba site notisia Corea Sul, Daily NK, Domingo (30/5).
Familia refere informa katak bosok ba parte autoridade hodi dehan sira nia busa mate ona. Maibe, iha loron 22 Maio, sira nia busa lao hela besik rede fronteira nian.
seguransa fronteira diretamente koko atu kaer busa neba, maibe la konsege.
Insidente ne’e mos relatadu on aba komandante provinsia. Hafoin loron rua halo investigasaun, hetan dunik busa nia nain.
“ Busa ne’e ami lori, no familia refere hetan sansaun izolamentu loron 20. No la fo lisensa atu sira hela iha sira nia uma rasik, “afirma fontes refere.
Fontes ne’e hateten sidadaun barak mak kestiona tamba sa parte autoridade implementa ordem hanesan ne’e. sira la fiar katak busa refere bele hakur mota fronteira hodi tama iha China no fila fali. (MF)